手作係我嘅另一個世界，用黎放鬆減壓，亦同時令我keep住有無限創造力同想像力，我嘅興趣同時幫緊我係創作嘅過程，暫時逃離一下工作嘅壓力同繁囂。 我好鍾意一啲有趣嘅idea同製作過程，有時一啲天馬行空嘅想法都會想用手作去呈現，有唔同嘅複雜程度，過程有長有短，亦不一定為人所知，但會令我有又有新嘅啟發。 其實，發現大部分店舖都有自己專有嘅style, 但係我份人比較多變化，經常根據唔同嘅心情，接觸唔同嘅人會有唔同嘅style，但每一個style都係我嘅一部份，亦代表唔同面貌嘅我。其實固定嘅style唔係唔好，但我希望發掘自己更多唔同嘅可能性，能夠嘗試同挑戰自己去走出唔同嘅領域，亦希望將呢一個concept帶比唔同嘅人。 最後，我想話你知，過左禁多年我雖然已經成為咗打工仔，但我仲未放棄我嘅夢想，但我努力進行緊工作/手作/運動/ 同埋休息嘅平衡，所以會不定期更新手作品，有靈感嘅時候會埋頭苦幹出靚靚collection比大家，謝謝你嘅支持！🙂‍↕️